“O‘zbekiston temir yo‘llari” talabalar uchun chiptalarga 50 foizlik chegirma e’lon qildi

“O‘zbekiston temir yo‘llari” qishki ta’til mobaynida OTM talabalari uchun mahalliy yo‘nalishdagi qatnovlarga 50 foizlik chegirma e’lon qildi.

Chegirmalar 22-dekabrdan 10-yanvargacha amal qiladi. Chiptalarni sotib olish uchun pasport va talabalik guvohnomasi bilan temiryo‘l kassalariga tashrif buyurish yoki chipta.railway.uz saytidan foydalangan holda elektron tarzda chipta xarid qilish mumkin.

Bundan avvval Uzbekistan Airways qishki ta’til oldidan talabalar uchun 50 foiz chegirma e’lon qilgandi. Aviakompaniya chegirmani 22-dekabrdan 10-yanvargacha amalga oshiriladigan mahalliy aviaqatnovlar ekonom-klass uchun taqdim etgan.