O‘zbekiston va Janubiy Koreya o‘rtasidagi tashqi mehnat migratsiyasi sohasidagi hamkorlik yanada chuqurlashtirilib, migratsiya sohasidagi munosabatlar kengaytiriladi, deb xabar bermoqda Adliya vazirligi matbuot xizmati.
Ushbu masala O‘zbekiston adliya vaziri Akbar Tashqulov hamda bandlik va mehnat munosabatlari vaziri Nozim Husanov boshchiligidagi O‘zbekiston delegatsiyasining Janubiy Koreyaga amaliy safari davomida ko‘rib chiqilgan.
O‘zbekiston vakillari Janubiy Koreya adliya vaziri Xan Dong Xun va Koreya immigratsiya xizmati komissari Leye Jaye Yu bilan uchrashuv o‘tkazgan.
Muloqot chog‘ida ishchilarni E-8 vizasi asosida ishga yollash, O‘zbekiston fuqarolarini Janubiy Koreyaga kirib borishi tizimi, mehnat vizalari asosida turli sohalarga ishga jalb qilish bilan bog‘liq masalalar ham atroflicha muhokama qilingan.
Izoh (0)