Farg‘ona viloyati Buvayda tumanida 24-noyabr kuni qalin tuman tushishi sabab yo‘lni ko‘rmay qolgan haydovchi odam o‘limi bilan bog‘liq yo‘l-transport hodisasi sodir etdi. Bu haqda viloyat Yo‘l harakati xavfsizligi boshqarmasi xabar qildi.
Qayd etilishicha, holat shu kuni tungi vaqtda tumanning Yangi qadam qishlog‘idan o‘tgan A-373 Toshkent—O‘sh avtomobil yo‘lining 321-kilometrida yuz bergan. 1991-yilda Namangan viloyatida tug‘ilgan haydovchi Gentra avtomobilini boshqarib ketayotib, yo‘lni qalin tuman qoplagani sabab boshqaruvni yo‘qotgan. Shunda o‘zidan oldinda ketayotgan DAF yuk avtomobili va unga ulangan yarim tirkamaga borib urilgan.
YTH oqibatida Gentra avtomashinasidagi 41 yoshli yo‘lovchi voqea joyida vafot etgan.
Izoh (0)