Buyuk Britaniya 2023-yilda Ukrainaga harbiy yordamni oshiradi. Bu haqda Britaniya bosh vaziri Rishi Sunak 28-noyabr, dushanba kuni so‘zlagan nutqida ma’lum qildi, deb xabar bermoqda Reuters.
“Shubha qilmang. Biz Ukrainani qancha vaqt kerak bo‘lsa, shuncha qo‘llab-quvvatlaymiz. Kelgusi yilda harbiy yordamni saqlab qolamiz yoki oshiramiz. Shuningdek, Ukraina xalqi va muhim infratuzilmasini himoya qilish uchun havo mudofaasini qo‘llab-quvvatlaymiz”, — dedi u.
Sunakning so‘zlariga ko‘ra, uning rahbarligida London status-kvo tanlamaydi.
Avvalroq The New York Times gazetasi NATO rasmiylari orasidagi manbaga tayanib, alyansga a’zo 30 davlatdan 20 tasi Ukrainaga yordam uchun qurol zaxiralarini tugatgani haqida xabar bergandi. Shu bilan birga, yirik davlatlar – Fransiya, Germaniya, Italiya va Niderlandiya Ukrainani qurol-yarog‘ bilan ta’minlashda davom etishga qodir ekani aytilmoqda.
NYT ta’kidlashicha, NATO davlatlari Kiyevga 40 milliard dollarga yaqin harbiy yordam ko‘rsatgan, bu Fransiyaning yillik mudofaa budjetiga teng.
Izoh (0)