Rossiyaning Perm o‘lkasi sudi yig‘ilishida prokuror Perm universitetida ommaviy qotillik sodir etishda ayblanayotgan Timur Bekmansurovga umrbod qamoq jazosini berishni so‘radi. Bu haqda “Properm.ru” xabar bermoqda.
Prokuror suddan Bekmansurov umrbod qamoq jazosining dastlabki besh yilini qamoqxonada o‘tkazishini, keyin esa maxsus rejimli koloniyaga joylashtirilishini so‘ragan.
2021-yilning 20-sentabr kuni Timur Bekmansurov o‘zi tahsil olayotgan Perm davlat milliy tadqiqot universiteti hududida otishma sodir etgandi. Hodisa oqibatida olti kishi halok bo‘lgan, 40 dan ortiq odam jarohatlangan. Hibsga olish vaqtida Bekmansurov yaralangan, keyinroq jarohati oqibatida uning oyog‘i kesib tashlangan.
Izoh (0)