AQSHda Huawei va ZTE qurilmalarini sotish taqiqlandi

AQSH hukumati Xitoyning beshta yirik kompaniyasi, jumladan, Huawei va ZTE tomonidan ishlab chiqarilgan telekommunikatsiya uskunalarini sotishni taqiqladi. Bu haqda Independent xabar berdi.

Ma’lum qilinishicha, ushbu qurilmalar AQSH milliy xavfsizligiga tahdid soladi. Hikvision kompaniyasi mahsulotlari Amerika uchun xavf tug'dirmasligini ta’kidlagan. Huawei va boshqa xitoylik ishlab chiqaruvchilar esa iste’molchi ma’lumotlarini Xitoy hukumatiga bermasligini ma’lum qilgan.

Biroq so‘nggi yillarda AQSH rasmiylari bu kompaniyalar Xitoy hukumatiga fuqarolari va xorijiy razvedka ma’lumotlarini bo‘lishayotganini da’vo qilmoqda. AQSH hukumati Huawei’ni sanoat josusligida va Eronga qarshi sanksiyalarni buzish bilan bog‘liq firibgarlikda ayblagan.

Sentabr oyida AQSH prezidenti Jo Bayden ma’muriyati Xitoyga chiplar va sun’iy intellekt vositalari ishlab chiqarish uchun zarur yarimo‘tkazgichlarni eksport qilish bo‘yicha cheklovlarni kengaytirishni rejalashtirgandi.