Krishtianu Ronalduga Braziliyaning “Flamengo” jamoasi qiziqish bildirmoqda.
Braziliya klubi o‘z homiylari bilan 37 yoshli futbolchini 3 oy muddatga olib kelish bo‘yicha maslahatlashmoqda. Klubning asosiy maqsadi klublar o‘rtasidagi Jahon Chempionatida portugaliyalikning xizmatidan foydalanish.
“Flamengo” Libertadores Kubogining amaldagi g‘olibi hisoblanadi. Jamoa hozircha Ronalduga rasmiy taklif bilan chiqmagan, muzokaralar ham o‘tkazmagan.
Biroq yaqin orada taklif bilan chiqish istagida. Barchasi homiylarning javobiga bog‘liq.
Eslatib o‘tamiz, 37 yoshli futbolchi OAVga shov-shuvli intervyu bergan, unda Ronaldu “Manchester Yunayted”dagi vaziyatni tanqid ostiga olgan va jamoa ustozi Erik ten Hagni hurmat qilmasligini aytgandi. Shundan so‘ng mankunianliklar Krishtianu bilan shartnomani bekor qilishini ma’lum qilgandi.
Izoh (0)