O‘zbekistonda statistik ma’lumotlarni DXMlardan olish imkoniyati yaratiladi

Vazirlar Mahkamasi qarori bilan statistika ma’lumotlarini taqdim etishda davlat xizmatlarini ko‘rsatish bo‘yicha ma’muriy reglament tasdiqlandi. Bu haqda “Huquqiy axborot” Telegram kanali xabar bermoqda.

Reglamentga ko‘ra, fuqarolar mazkur davlat xizmati doirasida statistika dasturi va faoliyatida yuritiladigan statistik tasniflar asosida shakllantiriladigan ma’lumotlar, shuningdek, ochiq manbalarda e’lon qilinadigan ma’lumotlarni olishi mumkin.

Quyidagilar davlat xizmatini ko‘rsatishni rad etish uchun asos bo‘ladi:

• tarkibida davlat sirlari va qonunchilik bilan qo‘riqlanadigan boshqa sir bo‘lgan, shuningdek, individual ma’lumotlarni so‘rash;
• shakllantirilishi statistika dasturida nazarda tutilmagan yoki shakllantirish muddati hali kelmagan statistika ma’lumotlarini so‘rash.

Mavzuga doir:

• O‘zbekistonda endi sport hakamlariga malaka toifalari DXM orqali beriladi
• O‘zbekistonda “zagranpasport”ni yagona portal va DXM orqali berish to‘liq joriy qilinadi