Kartoshka, piyoz, tuxum qimmatladi. O‘zbekiston bozorlarida oziq-ovqat narxlari e’lon qilindi

Davlat statistika qo‘mitasi hududiy markaziy dehqon bozorlarida o‘tkazilgan kuzatuv natijalari bo‘yicha alohida turdagi oziq-ovqat mahsulotlarining minimal-maksimal narxlarini e’lon qildi.

23-noyabr holatiga ko‘ra, asosiy oziq-ovqat mahsulotlari narxi quyidagicha:

• suyakli mol go‘shti (1 kg) 49 500 — 78 000 so‘m;
• qo‘y go‘shti (1 kg) 58 000 — 91 000 so‘m;
• kartoshka (1 kg) 3000 — 6000 so‘m;
• piyoz (1 kg) 2500 — 5000 so‘m; oshdi
• sabzi (1 kg) 2000 — 5 500 so‘m;
• tuxum (10 dona)10 000 — 17 000 so‘m;
• guruch (1 kg) 6000 — 26 000 so‘m;
• o‘simlik yog‘i (1 l) 16 500 — 30 000 so‘m;
• shakar (1 kg) 11 000 — 17 000 so‘m.

Avvalgi haftadagi narxlar bilan solishtirganda, kartoshka, piyoz va tuxum narxlarida o‘sish, shakar narxida pastlash kuzatilgan.

Yuqorida kuzatuv o‘tkazilgan kun va vaqtdagi narx-navo qayd etilgan bo‘lib, bunda vaqt va joyiga qarab narxlar o‘zgarib turadi. Mazkur ma’lumotlarning shakllanishi jarayonida faqatgina dehqon bozorlari hududidagi oziq-ovqat mahsulotlari narxlari hisobga olingan (supermarket, minimarket, do‘konlardagi narxlar inobatga olinmagan).

Mavzuga doir: Jahon bozorlarida asosiy oziq-ovqatlar narxlari pasayishi kutilmoqda — Markaziy bank