Angren shahri hokimi Alisher Raimovning tadbirkorni haqoratlagani eshitilgan audio tarqalgandi. Toshkent viloyati hokimligi unga hayfsan intizomiy jazo chorasi qo‘llanganini ma’lum qildi.
Toshkent viloyati hokimligi Odob-axloq komissiyasining 19-noyabrdagi yig‘ilishida davlat xizmatchisi uchun nomaqbul so‘zlar, haqoratlar ishlatilgan audioyozuv tarqalgani ko‘rib chiqilib, tegishli chora ko‘rish uchun viloyat hokimi Zoir Mirzayevga taqdimnoma kiritilgan edi.
Toshkent viloyati hokimi Zoir Mirzayevning 24-noyabrdagi farmoyishiga binoan Vazirlar Mahkamasining “Davlat fuqarolik xizmatchilari tomonidan odob-axloq qoidalariga rioya etilishini ta’minlash bo‘yicha qo‘shimcha chora-tadbirlari to‘g‘risida”gi qarori talablariga rioya qilmagani, davlat xizmatchisining kasb etikasini buzgani, mansab vakolatlarini suiiste’mol qilib, noqonuniy xatti-harakatlarni sodir etgani uchun Angren shahar hokimi Alisher Raimovga nisbatan hayfsan intizomiy jazo chorasi qo‘llangan.
Izoh (0)