Turkiya fond bozori 2022-yilda dunyodagi eng daromadli birjaga aylandi

Turkiya fond bozori bu yil dunyodagi eng yaxshi ko‘rsatkichlarga erishgan birja deb topildi. Bu haqda Bloomberg xabar bermoqda.

Unga ko‘ra, Borsa Istanbul 100 indeksi joriy yilda lirada 150 foizga, dollarda esa 80 foizga o‘sgan va bu 1999-yildan beri eng yaxshi natijadir.

Turkiya qimmatli qog‘ozlari bu yil dunyodagi eng yaxshi ko‘rsatkichlariga ega bo‘ldi, — deyiladi xabarda.

Bloomberg’ning qayd etishicha, bu holat Turkiya hukumatining pul-kredit siyosati bilan bog‘liq bo‘lib, u boshqa ko‘plab mamlakatlardan farqli o‘laroq qimmatli qog‘ozlarni qayta moliyalash stavkasini pasaytirdi. Shuningdek, vaziyat yuqori inflyatsiya sur’atlari bilan ham bog‘liq.

Real foiz stavkalari masalasida jiddiy o‘zgarishlar bo‘lmasa, investorlarning Turkiya aksiyalariga qiziqishi davom etadi, — deydi Strateji Portfoy xodimi Burak Chetincheker.

Turkiya aksiyalarining yuqori daromadlari 2023-yilning o‘rtalariga qadar davom etishi mumkin.

Sardis Research Consultancy asoschisi Evren Kirikog‘lu Bloomberg agentligiga bergan intervyusida:

Qimmatli qog‘ozlar inflyatsiya pasaygan taqdirda ham kelgusi yilning birinchi yarmida jozibador bo‘lib qolishi mumkin, — deydi Sardis Research Consultancy asoschisi Evren Kirikog‘lu.

Avvalroq Turkiyaning yangi talablari Rossiya neft eksportiga to‘sqinlik qilishi kutilayotgani haqida xabar berilgandi.