2022-yilning yanvar—sentabr oylarida O‘zbekiston bo‘yicha davlat ro‘yxatidan o‘tkazilgan yangi yengil avtotransport vositalari soni ma’lum qilindi. Bu haqda Davlat statistika qo‘mitasi xabar bermoqda.
Ma’lumotlarga ko‘ra, yil boshidan beri O‘zbekistonda 222 794 ta avtomobil ro‘yxatdan o‘tkazilgan.
Shundan O‘zbekistonda ishlab chiqarilgan avtomobillar ulushi 94,4 foizni tashkil etdi. Bu 210 419 dona avtomobilgan teng.
Ro‘yxatdan o‘tkazilgan avtomobillar orasida xorijda ishlab chiqarilganlari esa 5,6 foiz bilan 12 375 dona bo‘ldi.
Mamlakat bo‘yicha davlat ro‘yxatidan o‘tkazilgan yangi avtotransport vositalarining eng katta ulushi Toshkent shahri hissasiga to‘g‘ri kelgan. Poytaxtda jamiga nisbatan 30,1 foiz yoki 67 161 dona avtomobil ro‘yxatdan o‘tgan.
Avvalroq O‘zbekistonga eng ko‘p “inomarka”lar qayerdan olib kelinayotgani ma’lum bo‘lgani haqida xabar berilgandi.
2022-yilning yanvar—oktabr oylarida O‘zbekiston 27 ta xorijiy davlatlardan yengil avtomobillar import qilgan.
Izoh (0)