Xitoy shimolidagi Ichki Mo‘g‘uliston hududida yuzlab qo‘ylar 12 kundan beri doira hosil qilib aylanmoqda. Kuzatuv kamerasiga tushgan g‘alati manzarada fermadagi katta suruvning soat yo‘nalishi bo‘yicha to‘xtamay yurayotganini ko‘rish mumkin. Ular hatto uxlash uchun tin olmayapti.
Qo‘ylardan bir qanchasi aylanmani chetdan tomosha qilsa, boshqalari markazda harakatsiz turibdi.
Ushbu g‘alati manzara videosi Xitoyning People’s Daily davlat nashri tomonidan Twitter’ga joylashtirildi. Unda aytilishicha, qo‘ylar sog‘lom ammo ularning xatti-harakati sababi sirligicha qolmoqda.
Qo‘ylarning egasi Ms.Miaonng so‘zlariga ko‘ra, tomoshani avval bir necha qo‘y boshlagan, so‘ng ularga butun suruv qo‘shilgan. Fermer xo‘jaligida 34 ta qo‘yxona mavjud bo‘lsa-da, ulardan faqat bittasi — 13-sonli qo‘radagi qo‘ylar shunday harakatlanmoqda.
Ular 4-noyabrdan beri doira atrofida aylanmoqda.
Ba’zilar jonivorlarning bunday xatti-harakatiga Listeriosis deb ataladigan bakterial kasallik sabab bo‘lganini taxmin qildi, bu “aylana kasalligi” deb ham ataladi.
Izoh (0)