Amerika parfyumeriya va kosmetika kompaniyasi Estee Lauder vakillari Nyu-Yorkdagi Tom Ford modalar uyini sotib olish bo‘yicha shartnoma imzolangani haqida e’lon qildi. Bu haqda “Kommersant” xabar berdi.
Estee Lauder Companies (ELC) 2,8 milliard dollarlik shartnoma bo‘yicha brend va uning intellektual mulkining yagona egasiga aylanadi.
Tom Ford asoschisi va bosh direktori Tom Ford shartnoma shartlariga ko‘ra, 2023-yil oxirigacha brendning ijodiy yuziga aylanadi.
Shartnoma Tom Fordning Ermenegildo Zegna bilan uzoq yillik munosabatlarini kengaytiradi. Markaning Marcolin uchun amaldagi litsenziyasi ham sezilarli darajada uzaytiriladi, — deyiladi ELC xabarida.
ELC Tom Ford’ni sotib olishga yaqin ekani haqida The Wall Street Journal manbalarga tayanib, kecha, 15-noyabr kuni xabar berdi.
ELC parfyumeriya va kosmetika bozoridagi yetakchi kompaniyalardan biri hisoblanadi. U Tom Ford bilan 2005-yilda Tom Ford Beauty liniyasini ishlab chiqish uchun litsenziya shartnomasini tuzganidan beri hamkorlik qiladi.
Avvalroq dunyodagi eng mashhur brend ma’lum bo‘lgani haqida xabar berilgandi.
Izoh (0)