AQSH Mehnat statistikasi byurosi hisobotiga ko‘ra, oktabr oyida mamlakatda iste’mol narxlari indeksi (CPI) 7,7 foizga oshdi.
Bu yil boshidan beri narxlarning minimal o‘sishidir. Bundan tashqari, oktabr oyida inflyatsiyaning o‘sishi amalda tahlilchilar kutganidan kamroq bo‘lib chiqdi.
O‘tgan oyda CPI yillik o‘sishi sentabr oyiga nisbatan 0,5 foizga past bo‘ldi. Sentabrga nisbatan AQSHda narxlar oktabr oyida 0,4 foizga oshgan. Shunday qilib, oylik o‘sish sentabr oyidagi kabi bo‘ldi.
Shu bilan birga, yonilg‘i va oziq-ovqat mahsulotlari narxlarining o‘zgaruvchanligini hisobga olmagan bazaviy inflyatsiya ko‘rsatkichi oktabr oyida yillik ko‘rsatkichda 6,3 foizga oshdi. O‘tgan oyga nisbatan o‘sish 0,3 foizni tashkil etdi.
Avvalroq AQSHda keyingi 12 oy ichida retsessiya bo‘lishi kutilayotgani haqida xabar berilgan edi.
Investorlarning fikricha, Fed inflyatsiya dinamikasiga javoban pul-kredit siyosatini haddan tashqari qattiqlashtirishi mumkin, bu esa AQSH iqtisodiyotini uzoq davom etadigan retsessiyaga olib keladi.
Izoh (0)