Ukraina prezidenti Vladimir Zelenskiy o‘z farmoni bilan Xerson viloyati hududida to‘rtta harbiy ma’muriyat tuzdi. Hujjat Ukraina davlat rahbari saytida e’lon qilingan.
Farmonga muvofiq, Skadovsk tumanidagi Dolmatovka qishlog‘i va Golaya Pristan shaharchasida, Kaxov tumanidagi Kaxovka shaharchasi va Krestovka qishlog‘ida boshqaruvlar tashkil etiladi.
Hujjatda sanab o‘tilgan barcha aholi punktlari Dneprning chap qirg‘og‘ida Rossiya armiyasi nazorati ostida edi.
9-noyabr kuni ertalab rossiyalik “harbiy muxbirlar” Xersondagi binolardan Rossiya bayroqlari olib tashlanganini, bosib olingan Snigirevkadan shahar tomon ketayotganda ko‘priklar portlatib yuborilganini xabar qildi.
Kechga yaqin Rossiya qo‘shinlar qo‘mondoni Sergey Surovikin askarlarni Dneprning o‘ng qirg‘og'idan olib chiqishni taklif qildi. Rossiya mudofaa vaziri Sergey Shoygu bu taklifga rozilik bildirdi.
Izoh (0)