Iordaniyaning Amman shahrida boks bo‘yicha Osiyo chempionatining yarim final bahslari 10-noyabr, payshanba kuni bo‘lib o‘tdi.
-80 kg vazn toifasida O‘zbekiston sharafini himoya qilgan Odiljon Aslonov Qirg‘iziston vakili Omurbek Bekjigit uluuni yengib, finalga yo‘l oldi.
Madiyor Saidrahimov (-92 kg) iordaniyalik Ahmat Sulaymonni mag‘lub etdi va finalchiga aylandi.
Shu tariqa O‘zbekiston vakillaridan yetti nafari final yo‘llanmasiga ega chiqdi. Avvalroq Abdumalik Halokov, Ruslan Abdullayev, Hasanboy Do‘stmatov, Lazizbek Mullajonov va Saidjamshid Ja’farov final yo‘llanmasiga chiqqandi. Final bahslari 12-noyabr kuni bo‘lib o‘tadi.
Shahzod Muzaffarov, Athamjon Muhiddinov va Asadxo‘ja Mo‘ydinxo‘jayev esa bronza medali bilan cheklandi.
Izoh (0)