Olmaliq kon-metallurgiya kombinatiga ishga joylashishda ko‘maklashish evaziga fuqarodan tovlamachilik yo‘li bilan pora tariqasida 1,5 ming dollar olgan shaxs ushlandi.
Qayd etilishicha, 7-noyabr kuni Toshkent viloyati huquqni muhofaza qilish idoralari tomonidan aholiga yuridik xizmat ko‘rsatishga ixtisoslashgan MCHJ muassisi “M.O.” Olmaliq kon-metallurgiya kombinatiga ishga joylashishda ko‘maklashish evaziga fuqarodan tovlamachilik yo‘li bilan pora tariqasida 1,5 ming dollar miqdoridagi pul mablag‘larini olayotgan vaqtida qo‘lga olindi.
Gumonlanuvchiga nisbatan Bosh prokuratura qoshidagi Iqtisodiy jinoyatlarga qarshi kurashish departamenti viloyat bo‘limi tomonidan Jinoyat kodeksining 168, 28 va 211-moddalari bilan jinoyat ishi qo‘zg‘atildi. Hozirda tergov harakatlari davom etmoqda.
Izoh (0)