Samarqand viloyati, Tayloq tumanidagi tovuqxona kimoshdi savdosida sotildi. Lot ma’lumotlari “E-auksion” portalida e’lon qilingan.
Lot auksionga “Aloqabank”ning Toshkent shahar Mirobod tumani bo‘limi tomonidan qo‘yilgan edi.
Yer uchastkasining umumiy maydoni — 0,58 gektar. Binoning maydoni — 1 805 kvadrat metr. Tovuqxonada kommunal xizmatlar mavjud emas.
2017—2019-yillarda qurilgan dala shiyponi va tovuqxona mebel jihozlarisiz sotilgan.
Auksionga qo‘yilgan obyektning boshlang‘ich bahosi 2,46 mlrd so‘m edi. Bugun, 4-noyabr kuni bo‘lib o‘tgan savdoda tovuqxona 2,6 mlrd so‘mga sotildi. G‘olib sifatida “Sam Selin Textile” xususiy korxonasi ko‘rsatilgan.
Avvalroq Chorvoqdagi dam olish maskani auksionda 34 mlrd so‘mga sotilgani haqida xabar berilgandi.
Izoh (0)