O‘zbekiston 2022-yilning yanvar—sentabr oylarida 19 ta xorijiy davlatga qiymati 30,5 mln dollarga teng bo‘lgan 21,2 mln juft oyoq kiyimlar eksport qilgan. Bu haqda Davlat statistika qo‘mitasi xabar bermoqda.
Oyoq kiyimlar eksporti hajmi o‘tgan yilning mos davri bilan solishtirilganda 618,3 ming juftga kamaygan.
Ammo bu davrda eksport qiymati bo‘yicha o‘sish kuzatilgan — 5,8 mln dollarga.
Yil boshidan beri O‘zbekiston oyoq kiyimlarini o‘tgan yilgidek eng ko‘p Qirg‘iziston sotib olmoqda — 9,2 mln juft poyabzal.
Shunga qaramay Qirg‘izistonga oyoq kiyim eksporti 2021-yilning mos davri bilan solishtirilganda 4,5 mln juft poyabzalga kamaygan.
Ikkinchi va uchinchi o‘rinlarni bir xil ko‘rsatkich bilan Tojikiston va Qozog‘iston egallagan — 5,3 mln juft.
Yanvar—sentabr oylariga ko‘ra, chetga oyoq kiyim sotish bo‘yicha Andijon 14,1 mln juft oyoq kiyim bilan qolgan hududlarga qaraganda katta farq bilan oldinda bormoqda. Bir yil ichida viloyat eksport ko‘rsatkichlari 4,5 mln juft poyabzalga oshgan.
Farg‘ona (7,1 mln juft) va Samarqand (6 mln juft) viloyatlari ham xorijiy davlatlarga qolgan hududlarga qaraganda ko‘proq oyoq kiyim yetkazib bergan.
Izoh (0)