Toshkentning Shayxontohur tumanida Matiz to‘liq yonib ketdi. Bu haqda FVV matbuot xizmati xabar berdi.
Ma’lum qilinishicha, 30-oktabr kuni soat 15:27 da Shayxontohur tumani Laylatug‘on ko‘chasida Matiz yonayotgani to‘g‘risida shahar FVBga xabar kelib tushgan. Shunga ko‘ra, 2 ta yong‘in-qutqaruv ekipaji voqea joyiga soat 15:32 da yetib borgan va yong‘in soat 15:38 da o‘chirilgan.
Yong‘in oqibatida avtomobil to‘liq yonib zararlangan. Yong‘in natijasida fuqarolarni tan jarohati olish va halok bo‘lish holatlari qayd etilmagan.
Hozirda yong‘inning kelib chiqish sababi va moddiy zarar miqdori aniqlanmoqda.
Izoh (0)