“Lapsus$” nomli xakerlar guruhi Portugaliyadagi eng mashhur gazetalaridan biri “Expresso” va mamlakatdagi eng yirik “Impresa” media guruhiga tegishli “SIC” teleradiokompaniyasiga kiberhujum uyushtirdi. Bu haqda IIV Kiberxavfsizlik markazi xabar bermoqda.
Qayd etilishicha, ushbu nashrlarning veb-saytlariga kirish imkoni cheklangan. Kiberhujum ortidan 50 terabaytlik korporativ ma’lumotlar o‘g‘irlangan.
Ma’lumot o‘rnida, o‘tgan oy xuddi shu guruh Braziliya Sog‘liqni saqlash vazirligi veb-saytlarini buzib kirib, bir nechta tizimlarni, jumladan, raqamli emlash sertifikatlarini berish tizimini qo‘lga kiritgandi.
Izoh (0)