Toshkent viloyatining Yuqori Chirchiq tumanida noma’lum shaxslar ikki tonnaga yaqin o‘lgan tovuqlar tashlab ketgani aniqlandi. Bu haqda ijtimoiy tarmoqlarda xabar qilindi.
Tarqalgan xabarda aytilishicha, Jambul qishlog‘idan o‘tuvchi Qizilsoyga taxminan 19—20-oktabr kunlari o‘lgan tovuqlar qoplarda tashlab ketilgan bo‘lib, undan chiqayotgan badbo‘y hidga chidab bo‘lmaydi.
Tovuqlar nimadan nobud bo‘lgani hozircha noma’lum. Aholi ular qandaydir kasallikdan nobud bo‘lgan deb taxmin qilmoqda. Yaqinda atrofda 2-3 ta parrandachilik fabriklari bor.
Mahalliy aholi bu haqda Davlat ekologiya qo‘mitasiga murojaat qilgan. Ayni paytda voqea joyiga ekologiya qo‘mitasi va Sanitariya-epidemiologiya xizmati xodimlari yetib kelgan bo‘lib, vaziyat o‘rganilmoqda.
Izoh (0)