Joze Mourinyo: “G‘alabaga loyiq emasligini his qilib turgan bo‘lsam ham ‘Napoli’ni tabriklayman”

“Roma” bosh murabbiyi Joze Mourinyo “Napoli”ga qarshi o‘yindan so‘ng (0:1) o‘z fikrlarini bildirib o‘tdi.

Yutqazmaslik uchun yetarli darajada yaxshi o‘ynadik. Raqib qo‘llagan kabi darvozaga bir nechta zarba berib bo‘lsa ham g‘alaba qozonishni xohlardik.

Uchrashuv qiyin kechdi, nazoratni qo‘lga oldik, biroq ko‘plab sariq kartochkalardan so‘ng muammolar boshlandi. “Napoli” esa ikkinchi bo‘limdagi kam sonli xavfli hujumlarining biridan foydalana oldi. Agar Kristante ogohlantirish olmaganda, u qarshi hujumni ertaroq, qo‘pollik evaziga bartaraf qilgan bo‘lardi.

Shuningdek, charchagan futbolchilar bilan ham muammo bo‘ldi. Bundan tashqari jarohatlar ham bor edi, muammolar 70-daqiqadan keyin to‘plana boshladi.

Adolatsizlik bo‘ldi va futbolchilarimning hislarini tushunaman. Ular mag‘lubiyatdan qutulib qolish uchun qo‘llaridan kelgan barcha ishni qildi. Gol urgan jamoa g‘alaba qozonishini bilardik, buni “Napoli” amalga oshirdi.

Bizda sariq kartochkalar borligiga, charchagan va to‘liq tayyor bo‘lmagan o‘yinchilarga, zaxirada variantlar qolmaganiga qaraganimda “Napoli” haqiqatan ham yaxshidek tuyuldi.

Ikkinchi bo‘limda charchoq tufayli raqibga nisbatan bosimni kamaytirishga majbur bo‘ldik. Spinassola doim yiqilib tushadigan yigitni ushlab turishi kerak edi. Ismi nima edi uni? Har doim yerga yotib oladigan... Losano! Aynan!

Hakam haqida gapirishni istamayman. Menimcha,u yaxshi va muvozanatni saqlay oladigan odam. Ko‘p narsa menga yoqmadi, biroq o‘yindan keyin Irrati bilan hammasini muhokama qilib oldik, hech bo‘lmaganda u bilan gaplashish mumkin edi. Bu uning eng yaxshi o‘yini bo‘lmadi, lekin bunaqa narsalar sodir bo‘lib turadi. Hammaning ham omadsiz kunlari bo‘ladi.

G‘alabaga loyiq emasligini his qilib turgan bo‘lsam ham “Napoli”ni tabriklayman. Shuningdek, mag‘lubiyatga loyiq bo‘lmay turib, mag‘lub bo‘lgan jamoamni ham tabriklayman.

Joze Mourinyo, “Roma” bosh murabbiyi