Ijtimoiy tarmoqlarda huquq-tartibot organlari haqida asoslanmagan ma’lumot tarqatgan farg‘onalik blogerga ma’muriy qamoq jazosi tayinlandi. Bu haqda “Daryo”ga viloyat IIB axborot xizmati ma’lum qildi.
Qayd etilishicha, Farg‘ona viloyati Uchko‘prik tumanida yashovchi bloger Saddamhusayn Akbarov YouTube tarmog‘idagi kanalida video joylashtirgan.
Videoda bloger ichki ishlar xodimlarini haqorat qilib, ularni obro‘sizlantiruvchi ma’lumotlarni tarqatgan.
Yuqoridagi holat yuzasidan Saddamhusayn Akbarovga nisbatan ma’muriy tartibda hujjatlar rasmiylashtirilib, qonuniy qaror qabul qilinishi uchun jinoyat ishlari bo‘yicha Uchko‘prik tumani sudiga yuborilgan. Sud tomonidan huquqbuzarga nisbatan 10 sutka ma’muriy qamoq jazosi tayinlandi.
Izoh (0)