Toshkentda yana avariya tufayli ayrim xonadonlar gazdan uzildi

Toshkentning Shayxontohur tumani ba’zi joylarida gaz sizib chiqish holati sababli gaz ta’minoti vaqtinchalik to‘xtatildi.

“Hududgaz Poytaxt” matbuot xizmatining ma’lum qilishicha, Chorsu dahasida joylashgan gaz quvuriga suv kirib ketishi oqibatida avariya yuzaga kelgan. Natijada 21 ta ko‘p qavatli uydagi 840 ta xonadonda, 7 ta ulgurji tashkilotda 11-oktabr kuni soat 11:30 da gaz ta’minoti vaqtinchalik to‘xtatildi.

Hozirda avariyani bartaraf qilish ishlari olib borilmoqda. Ta’mirlash ishlari tugatilgandan so‘ng tabiiy gaz ta’minoti qayta tiklanadi.

Bundan bir kun avval Toshkentning Mirobod tumani Qo‘yliq massivida joylashgan gaz quvurini mashina urib yuborishi oqibatida avariya yuzaga kelib,  220 ta xonadonda gaz ta’minoti vaqtinchalik to‘xtatilgandi.