33Namanganning Pop tumanida Isuzu yuk mashinasi Kia-Bongo avtomobili bilan to‘qnashib, ag‘darildi.
Viloyat IIB YHXB matbuot xizmati xabariga ko‘ra, voqea 6-oktabr kuni soat 23:50 larda, 4R-122 Farg‘ona halqa avtomobil yo‘lining 17-kilometrida yuz bergan.
Haydovchi Isuzu avtobusini “Yangiobod” MFY hududida Toshkent yo‘nalishida boshqarib borayotib, harakat xavfsizligini ta’minlay olmay, yo‘lning qarama-qarshi yo‘nalishiga o‘tib ketib, o‘z yo‘nalishida harakatlanib kelayotgan Kia-Bongo avtomashinasi bilan to‘qnashgan.
Oqibatda har ikkala transport haydovchilari va bir nafar yo‘lovchi olgan jarohati bilan shifoxonaga yotqizilgan.
Hodisa bartaraf etilgunga qadar yo‘ldagi harakat vaqtincha cheklangan.
Izoh (0)