Ijtimoiy tarmoqlarda Navoiy shahrida hokim yordamchilarining oylik maoshi ikki oydan buyon berilmayotgani haqida xabar e’lon qilindi. Holat yuzasidan shahar hokimligi axborot xizmati munosabat bildirdi.
Mazkur murojaat yuzasidan shahar hokimligining ma’lum qilishicha, kasaba uyushmasi raisi ishtirokida shahar hokimligidagi barcha hokim yordamchilari bilan yig‘ilish o‘tkazilib, birma-bir suhbat olib borildi. Suhbat davomida barcha hokim yordamchilarining oylik maoshlari har oyning 5-sanasigacha (jumladan, sentabr oyining oylik ish haqi 5-oktabr kuni) to‘lab berilgani ma’lum bo‘ldi.
Shuningdek, shahar hokimligi tomonidan iyun-avgust oylarida har bir hokim yordamchilari kanselyariya mollari bilan ta’minlangan.
Bundan tashqari, dam olish kunlari hokim yordamchilarining paxta yig‘im-terimiga chiqarilmagani va rahbariyat tomonidan majburiy mehnatga jalb qilinmaganini ma’lum qilamiz, — deyiladi xabarda.
Izoh (0)