Davlat ekologiya qo‘mitasi tasarrufidagi “Qizilqum” davlat qo‘riqxonasidagi fotoqopqonga noyob tur — O‘rta Osiyo qunduzi tushdi. Bu haqda Davlat ekologiya qo‘mitasi xabar qildi.
Qayd etilishicha, qo‘riqxona xodimlari tomonidan hududda bir necha bor uchratilgan bo‘lsa ham, qunduzni tasvirga olishning imkoni bo‘lmagan. Qo‘mita tomonidan taqdim etilgan fotoqopqonlar orqali qunduz tasvirga olingan hamda qo‘riqxonaning hayvonot dunyosi yana bir turga boyigani aniq ma’lumot sifatida kiritilgan.
Ma’lumot uchun, O‘rta Osiyo qunduzi yo‘q bo‘lib ketayotgan, TMXI Qizil ro‘yxatiga va O‘zbekiston Qizil kitobiga kiritilgan sutemizuvchi hayvon turi hisoblanadi.
Tarqalishi: O‘tgan asrning o‘rtalarigacha Sirdaryo, Zarafshon, Amudaryo va uning quyilishida keng tarqalgan. So‘nggi yarim asrda areali keskin qisqargan, ushbu tur faqat Hisor-Oloy tog‘i daryosidagina qayd etilgan. G‘arbiy Tyan-Shanda borligi haqida ma’lumotlar yo‘q.
Yashash joylari: Toshqin tog‘ daryolari, shuningdek, tekislik daryolari va qayir ko‘llarida hayot kechiradi. Baliqqa boy chuchuk suv havzalari yashashi uchun qulay muhit hisoblanadi.
Izoh (0)