O‘zbekistonga 2022-yilning ikkinchi choragi yakuniga kelib 6,54 mlrd dollarlik pul o‘tkazmalari kelib tushgan. Bu haqda “Daryo”ga Markaziy bank hisobotidan ma’lum bo‘ldi.
Yanvar—iyun oylarida MDH davlatlaridan O‘zbekistonga 5,7 mlrd dollarlik shaxsiy transfertlar o‘tkazilgan.
Bunda eng ko‘p ko‘rsatkich Rossiya hisobiga to‘g‘ri keladi — 5,3 mlrd dollar. Bu borada ikkinchi ko‘rsatkich 327 mln dollar bilan Qozog‘iston hisobiga to‘g‘ri kelsa, Qirg‘iziston 27 mln dollar bilan uchinchi bo‘ldi.
Rossiyadan pul o‘tkazmalari 2021-yilning yarim yilligiga nisbatan 2,2 barobarga ko‘paygan. Raqamlar yanada ko‘proq bo‘lishi mumkin ed
i. Biroq keyinchalik pul o‘tkazmalari bilan muammolar yuzaga kela boshladi. Buning ortidan ko‘plab rossiyalik tadbirkorlar MDH davlatlari, jumladan O‘zbekistonda o‘z korxonalarini ochishga kirishdi.
Ukrainadan pul o‘tkazmalari esa 1 mln dollarga qisqarib, 10 mln dollargacha pasaygan.
Qolgan mamlakatlar orasida eng ko‘p AQSHdan shaxsiy transfertlar kelib tushmoqda — 237 mln dollar. Bundan tashqari Koreyadan 138 mln, Turkiyadan 104 mln dollarlik pul o‘tkazilgan.
O‘zbekistonga va O‘zbekistondan o‘tkazilgan shaxsiy transfertlar farqi — 5,6 mlrd dollar.
Avvalroq Rossiyada o‘zbekistonlik valyuta chayqovchilari daromad ola boshlagani haqida xabar berilgan edi.
Izoh (0)