Uy xo‘jaliklari tanlanma kuzatuvlari ma’lumotlariga asosan 2022-yilning 1-yanvar holatiga O‘zbekistonda har 100 ta uyga o‘rtacha nechta texnika to‘g‘ri kelgani tahlil qilindi. Bu haqda Davlat statistika qo‘mitasi xabar berdi.
Tahlil qilinishicha, 2021-yilda har 100 ta uyga 53 ta yengil avtomobil to‘g‘ri kelgan. Bu 2020-yilga nisbatan 4 ta, 2019-yilga nisbatan esa 6 ta mashinaga ko‘p.
2022-yilning 1-yanvar holatiga har 100 ta uy 170 ta televizorga egalik qilgan. Bu ko‘rsatkich 2020-yilda 162 tani, 2019-yilda esa 160 tani tashkil etgan.
Kompyuterga egalik qiluvchi har 100 ta xonadonga 63 ta shunday texnika to‘g‘ri kelgan. 2020-yilda bu ko‘rsatkich 3 taga, 2019-yilda esa 8 taga kam bo‘lgan.
2021-yilda har 100 ta uy 308 ta mobil telefonga egalik qilgan. Bu 2020-yilda shunday ko‘rsatkichdan 21 taga, 2019-yilgidan 26 taga ko‘p.
Kir yuvish mashinalar esa har 100 ta uyga 94 ta to‘g‘ri kelgan. Bu ko‘rsatkich 2020-yilgidan 4 taga, 2019-yilgidan 5 taga ko‘p.
Izoh (0)