2022-yilning yanvar—avgust oylarida O‘zbekistonga import qilingan oziq-ovqat mahsulotlari hajmi 2,16 mlrd dollarni tashkil etdi. Bu haqda Davlat statistika qo‘mitasi xabar bermoqda.
Oziq-ovqat importi o‘tgan yilning mos davriga nisbatan 36,1 foizga yoki 574,7 mln dollarga oshdi.
2021-yilning yanvar–avgust oylarida jami import tarkibida oziq-ovqat mahsulotlarining ulushi 10 foizni tashkil etgan bo‘lsa, 2022 yilning yanvar–avgust oylarida bu ko‘rsatkich 1,2 foizga ko‘payib, 11,2 foiz bo‘ldi.
2022-yilning yanvar—avgust oylarida 106 mamlakatdan oziq-ovqat mahsulotlari importi amalga oshirilgan.
O‘zbekistonga oziq-ovqat mahsulotlari importida yuqori ulushga ega davlatlar:
- Qozog‘iston — 36,7 foiz;
- Rossiya — 23,9;
- Braziliya — 14,3 foiz;
- Belarus — 4,4 foiz;
- Pokiston — 2,5 foiz.
O‘zbekiston yil boshidan beri eng ko‘p bug‘doy sotib olgan — 465 mln dollarlik. O‘tgan yili bu ko‘rsatkich 390 mln dollarni tashkil qilgan edi.
Ikkinchi o‘rinda 298 mln dollar bilan shakarqamish qayd etilgan. Ushbu mahsulotning deyarli barchasi Braziliyadan keltiriladi.
2021-yilning ilk 8 oyiga nisbatan margarin mahsulotlari importi qariyb 5 barobarga oshdi va 6-o‘rindan uchinchi o‘ringa ko‘tarildi. Yanvar—avgust oylarida 188 mln dollarlik margarin sotib olingan.
Bundan tashqari olma importi deyarli 5 barobarga ko‘payib, 10,4 mln dollarni tashkil qilgan. Iyun oyidan beri atigi 200 ming dollar atrofida olma import qilingan.
Yirik shoxli qoramol go‘shti, banan va arpa importi ham ikki barobarga oshgan.
Izoh (0)