Vashington Kuk va Niue orollari suverenitetini tan olishni rejalashtirmoqda, dedi AQSH prezidenti Jo Bayden AQSH—Tinch okeani orollari qo‘shma sammitida.
Uning so‘zlariga ko‘ra, yaqin o‘n yilliklardagi jahon tarixining borishini ko‘p jihatdan Osiyo—Tinch okeani mintaqasidagi voqealar belgilaydi. Shu munosabat bilan Qo‘shma Shtatlar orol davlatlari va u yerda joylashgan hududlar bilan hamkorlikni oshirishga intilmoqda.
“Tinch okeanidagi xavfsizlik biz uchun ham, umid qilamanki, siz uchun ham muhim bo‘lib qolmoqda. Amerikaning hamda butun dunyoning xavfsizligi sizning xavfsizligingizga va Tinch okeani orollari xavfsizligiga bog‘liq”, — dedi Bayden orollarini tan olish qarori haqida.
Kuk va Niue orollari — Yangi Zelandiya bilan erkin assosiatsiyalashgan avtonom davlatlar hisoblanadi. Garchi orollar o‘z ichki masalalariga o‘zi javobgar bo‘lsa ham, mudofaa va boshqa davlatlar bilan munosabatlar Yangi Zelandiya hukumati tomonidan amalga oshiriladi.
Izoh (0)