Portugaliya hujumchisi Krishtianu Ronaldu terma jamoaning Millatlar Ligasidagi Chexiya (4:0) va Ispaniyaga (0:1) qarshi o‘yinlarida birorta gol ura olmadi.
37 yoshli hujumchi Chexiyaga qarshi o‘yinda o‘z hisobiga bitta golli uzatma yozdirib qo‘ydi.
Shu tariqa Ronaldu joriy mavsum “Manchester Yunayted” va Portugaliya safida 10 ta o‘yinda ishtirok etdi va faqatgina Yevropa Ligasida “Sheriff”ga qarshi uchrashuvda gol urishga muvaffaq bo‘ldi. Portugaliyalik o‘yinning 39-daqiqasida penaltini aniq amalga oshirgan.
2021/22-yilgi mavsumda Krishtianu barcha musobaqalarda 39 ta o‘yinda maydonga tushib, 24 ta gol va 3 ta golli uzatmaga mualliflik qilgan.
Ronaldu Portugaliya terma jamoasi safida 117 ta gol urgan va terma jamoa safidagi gollar soni bo‘yicha mutlaq rekordchi hisoblanadi.
Mavzuga doir: Leo Messi terma jamoalar to‘purarlari reytingida 3-o‘ringa chiqib oldi. Faqat Ali Dayi va Ronaldu undan oldinda
Izoh (0)