Xarkovdagi Starlink antennasi, orkestr ostida safarbarlikka kuzatilayotgan rossiyaliklar. Urushning 215-kunidan fotoreportaj
26-sentabr kuni ham rossiyaliklarning mamlakatdan ommaviy chiqib ketishi davom etdi — Gruziya va Qozog‘iston bilan chegarada ko‘p kilometrlik navbatlar paydo bo‘ldi. Shu bilan birga, ketish qiyinlashdi: aeroportlardagi chegarachilarga xizmatga chaqiruv qog‘ozini olgan odamlarning ro‘yxati berildi. Bunday fuqarolarning chegarani kesib o‘tishi uchun harbiy komissariatdan ma’lumotnoma talab qilinmoqdaa. Ukrainada Rossiya harbiylari Kramatorsk va Krivoy Rog aeroportini o‘qqa tutdi. Moskvada xavfsizlik kuchlari hibsga olingan shoir va faol Artyom Kamardinni kaltaklagan — u Triumfalnaya maydonidagi Mayakovskiy haykali yonida “antimobilizatsiya” she’rlarini o‘qigani uchun hibsga olingan edi. Meduza urushning 215-kunidan asosiy kadrlarni taqdim etdi.
Xarkov viloyati
Ukrainalik harbiylar Xarkov viloyati Dementyevka qishlog‘idagi Ukraina Qurolli kuchlarining sobiq pozitsiyalari yaqinida askar va tinch aholi jasadlarini qidirmoqda. Ushbu aholi punktida shiddatli janglar bo‘lib o‘tgan: uning yaqiniga o‘rnatilgan og‘ir artilleriyadan Xarkov markaziga o‘t ochsa bo‘lardi. Ukraina armiyasi nihoyat iyul oyida Dementyevkani ozod qildi.Foto: EPA
Ukrainalik harbiylar Dementyevka qishlog‘i yaqinida topilgan Ukraina Qurolli Kuchlari askarining jasadini ko‘tarib ketmoqda.Foto: EPA
Kozachya Lopan qishlog‘idagi vayron bo‘lgan parrandachilik fermasi tomida tank qismlari osilib yotibdi. Ukraina armiyasi sentabr oyida aholi punktini ozod qilgandi, shundan so‘ng u yerda rus harbiylari tomonidan jihozlangan bir nechta vaqtinchalik qamoqxonalar va qiynoq kameralari, shuningdek, ommaviy qabr topildi.Foto: AFP
Kozachya Lopan qishlog‘i yaqinidagi minalangan maydonda rus armiyasining Z belgili buzilgan mashinasi.Foto: AFP
Ukrainalik ko‘ngilli Izyum shahri yaqinidagi Rossiya armiyasining shikastlangan texnikalarini yig‘ish punktida rus tankini tekshirmoqda. Shahar sentabr oyida Ukraina Qurolli Kuchlari tomonidan ozod qilingan.Foto: AFP
Izyum shahri. Ilon Mask tomonidan taqdim etilgan Starlink tizimi orqali ukrainalik harbiylarning internetga kirishini ta’minlaydigan antenna.Foto: AFP
Donbass shimoli
Ukrainalik harbiylar Donetsk viloyatidagi raqibga yaqin chiziqda minomyotdan Rossiya pozitsiyalarini o‘qqa tutmoqda. Mintaqaning 45 foizga yaqini hamon Ukraina nazorati ostida.Foto: AFP
Kramatorskdagi gumanitar yordam tarqatish punktida odamlar oziq-ovqat uchun navbatga turibdi. Rossiya urush boshidanoq Kramatorskni olishga harakat qilgan, oxirgi faol hujum yozda amalga oshirilgan. Ammo shahar haliyam Ukraina kuchlari nazorati ostida.Foto: AP Photo
Kramatorskdagi besh qavatli bino 26-sentabr kuni Rossiyaning o‘qqa tutishi oqibatida shikastlandi. Ukraina rasmiylariga ko‘ra, to‘rt kishi jarohatlangan.Foto: AP Photo
Kramatorskdagi uyning podyezdida ayol Rossiya hujumidan keyingi siniqlarni supurib olmoqda.Foto: AP Photo
Safarbarlik
Moskvadagi safarbarlik markaziga qo‘yilgan stolda choy, pirojki, shirinliklar va termoslar. Rossiya hukumati aynan qancha odamni xizmatga chaqirishni rejalashtirayotgani hozircha noma’lum.Foto: Getty Images
Krasnoyarskda safarbar qilingan rossiyaliklarni kuzatish — ular Omsk viloyatidagi o‘quv lageriga jo‘natilmoqda.Foto: “TASS”
Krasnoyarsk temir yo‘l vokzalida harbiy orkestr safarbar qilingan erkaklarni kuzatish marosimini o‘tkazmoqda.Foto: “TASS”
Ukrainaning okkupatsiya qilingan hududlarda tashviqot
Melitopollik fuqaro velosipedda Ukrainaning bosib olingan hududlarini Rossiya tarkibiga qo‘shish bo‘yicha “referendum” tashviqoti afishalari oldidan o‘tmoqda. Melitopolning qonuniy meri Ivan Fedorovning aytishicha, shahar aholisining atigi 10 foizi “referendum”ni qo‘llab-quvvatlagan.Foto: Reuters
Izoh (0)