“Daryo” nashrining YouTube’dagi kanalida aktrisa va bloger Xonzoda Qambarova bilan suhbat uyushtirildi. Jahongir Xo‘jayevning taklifi va “Aristokratlar”dan 500 ming so‘m haq olgani haqida so‘zlab berdi.
— Jahongir bilan avvaldan tanishmiz. Bir-ikki marta “Aristokratlar” ko‘rsatuviga mehmon sifatida chaqirishgandan keyin “Jamoaga qabul qilasizlarmi, shunchaki ishtirok etib yuravermayman-ku?”, dedim. Bo‘lmasa, Otabek Mirzaxolov bilan gaplashib, yana “Bravo” jamoasida ishtirok etaman, deb rejalashtirgandim. Chunki “Bravo” jamoasining 2019-yilgi konsert dasturida ishtirok etib, tajriba orttirganman. Jahongir Xo‘jayev “Agar bizning jamoada ishtirok etsangiz, boshqa konsertlarda ishtirok etolmaysiz”, dedi.
Shundan keyin “Aristokrat”lar jamoasini tanladim. Ammo hali “yarq” etib ko‘zga ko‘rinadigan rol ijro etganim yo‘q. Chunki jamoa katta rol berishdan avval meni sinashi, fe’l-atvorimni o‘rganishi kerak. Jamoa a’zolari kelayotgan yil boshida konsert berishni rejalashtirishyapti. Men esa ikkinchi farzandimni yanvar oyida dunyoga keltiraman. Agar sog‘ligim ko‘tarsa, konsertda ishtirok etaman, — deydi Xonzoda Qambarova.
Hamisha serial rejissorlarining kam gonorar berishidan noliydigan aktrisa “Aristokratlar” jamoasidan ham ko‘p haq olmayotgani haqida so‘zlab berdi.
— O‘zim yoqtirgan jamoa bilan ishlash zavq bag‘ishlaydi. “Aristokratlar” jamoasidagilar bilan deyarli tengdoshmiz. “Bravo”dagi yigitlar yulduzlik kasaligi chalinishgan, bu gapni o‘zlariga ham ayta olaman.
“Aristokratlar” jamoasidagi yigitlar esa ichib turgan suvini ham bir-biriga ilinadi. Ahil va mehnatsevar ijodkorlar bilan ishlaganda, pulni asosiy planga qo‘ymayman. O‘zim yoqtirmagan ishni qilganimda esa, albatta, katta gonorar olishni o‘ylayman. Chunki sarflagan vaqtim va mehnatimga yarasha ikkisidan birini olishim kerak-ku. Jamoadagi bir oylik ishtirokim uchun 500 ming so‘m gonorar oldim. Ammo quvonib ketdim, bu jamoadan olgan birinchi oyligim edi.Seriallarga ham ko‘p taklif etishadi.
Yaqinda ham 300 va 500 varoqli serial ssenariylarini o‘qib chiqdim. Ikki ssenariyda ham intriga va mantiq yo‘q. Ssenariyni o‘qish uchun sarflagan vaqtimga achindim. Menga berishmoqchi bo‘lgan personajdagi ayol homilador holida bir nechta erkaklarga ko‘zini suzishi kerak ekan. Qanaqasiga bu mantiqqa to‘g‘ri kelmaydi-ku, deb rad javobini berdim, — deydi aktrisa va bloger Xonzoda Qambarova.
Mavzuga doir:
- “Abu-saxiyda do‘konma-do‘kon yurib, kosmetika sotardim” — Xonzoda mashhur bo‘lgunicha nima ish qilgani hamda instablogerlar odamlarni qanday aldashi haqida (video)
- “Qaynonamga san’atkor ekanim yoqmadi”. Bloger Xonzoda eri bilan yashamayotgani, bir oylik daromadi va seriallardagi rollarni sotib olishayotgani haqida
Izoh (0)