O‘zbekistonda muzlatkich va sovitkich ishlab chiqarish hajmi 40,5 foizga oshdi

O‘zbekistonda 2022-yilning yanvar—avgust oylarida yirik sanoat korxonalari tomonidan 491,7 mingta muzlatkich va sovitkich ishlab chiqarilgan. Bu haqda Davlat statistika qo‘mitasi xabar qildi.

Qayd etilishicha, muzlatkich va sovitkich ishlab chiqarish hajmi 2021-yilning mos davri bilan solishtirilganda 40,5 foizga oshgan.

2022-yilning avgust oyida esa O‘zbekistonda yirik sanoat korxonalari tomonidan 93,4 mingta muzlatkich va sovitkich ishlab chiqarilgan.