Rossiyada qiyin ahvolda qolgan o‘zbekistonlik ayol vatanga qaytarildi

Rossiyaning Sankt-Peterburg shahrida mushkul ahvolda qolgan fuqaro O‘zbekistonga qaytarildi. Bu haqda Tashqi mehnat migratsiyasi agentligi xabar berdi.

Qayd etilishicha, 15-sentabr kuni agentlikning Sankt-Peterburg shahridagi vakilligi hamda Bosh konsulxonaga N.K. tomonidan uning og‘ir vaziyatda qolgani sababli vatanga qaytarishda amaliy yordam so‘rab murojaati kelib tushgan.

Fuqaroning murojaati vakillik tomonidan o‘rganib chiqildi va uning og‘ir ahvolda ekani aniqlandi. Shundan so‘ng fuqaroga Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasi mablag‘lari hisobidan aviachipta olib berildi va Uzbekistan Airways kompaniyasi hamkorligida Sankt-Peterburg–Urganch yo‘nalishidagi aviareys orqali O‘zbekistonga qaytarildi.

Mavzuga doir:

• Rossiyada tanasining yarmi kuygan O‘zbekiston fuqarosi vatanga qaytarildi
• Rossiyada uysiz qolib ketgan o‘zbekistonlik fuqaro oilasi bilan vatanga qaytarildi