O‘zbekistonda “Ayollar daftari”ga kiritilgan xotin-qizlarning voyaga yetmagan farzandlariga bepul tibbiy yordam ko‘rsatiladi, muolaja xarajarlari qoplab beriladi. Bu haqda Telegram’dagi “Huquqiy axborot” kanali xabar qilmoqda.
Vazirlar Mahkamasining “Xotin-qizlar muammolarini o‘rganish va hal etish tizimini yanada takomillashtirish chora-tadbirlari to‘g‘risida”gi (2022-yil 31-martdagi 145-son) qaroriga asosan, “daftar”ga kiritilgan xotin-qizlarning voyaga yetmagan (qaramog‘ida I guruh nogironligi bo‘lgan farzandlarining yoshidan qat’i nazar) farzandlariga davolash, dori vositalarini olib berish yoki murakkab jarrohlik amaliyotlari uchun mablag‘ zarur bo‘lgan holatlarda, tuman (shahar) tibbiyot birlashmasi va sektor rahbari xulosalari bilan tibbiy muolaja xarajatlari to‘lab beriladi.
Bunda dori-darmon olib berish uchun BHMning 20 baravarigacha (6 million so‘mgacha) hamda murakkab jarrohlik amaliyotlari uchun BHMning 100 baravarigacha (30 million so‘mgacha) miqdordagi xarajatlar “Ayollar daftari” jamg‘armasi hisobidan to‘lab beriladi.
Izoh (0)