Jizzaxda yigit “samosud” qilingani haqidagi video bo‘yicha rasmiy ma’lumot berildi

Ijtimoiy tarmoqlarda “Jizzaxda samosud” nomli video tarqaldi. Holat yuzasidan viloyat IIB ma’lumot berdi.

Unda aytilishicha, 10-sentabr kuni fuqaro T.Z. Sharof Rashidov tumani ichki ishlar bo‘limiga ariza bilan murojaat qilib, o‘ziga oldindan tanish bo‘lgan E.O, I.D va N.SH. uning muqaddam ijtimoiy tarmoq orqali yuborgan rasmini o‘zaro muhokama qilish uchun chaqirib, turli so‘zlar bilan haqorat qilib, urib-tepib, tan jarohati yetkazgani va ushbu jarayonni videotasvirga olib, ijtimoiy tarmoqlarga tarqatgani sababli qonuniy chora ko‘rishni so‘ragan.

Mazkur holat yuzasidan 20-sentabr kuni Sharof Rashidov tumani ichki ishlar bo‘limi huzuridagi tergov bo‘limi tomonidan Jinoyat kodeksining 277-moddasi (bezorilik) 2-qismi “b, g” bandlari bilan jinoyat ishi qo‘zg‘atilib, dastlabki tergov harakatlari olib borilmoqda.

Mavzuga doir:

• Qoraqalpog‘istondagi qizlar janjaliga nima sabab bo‘lgani ma’lum qilindi
• Namanganda sport murabbiyi shogirdini “samosud” qildi (video)