Qo‘qon shahrida loyiha qiymati 12,5 million dollar bo‘lgan hunarmandchilik va turizm markazi qurilmoqda. Bu haqda “Daryo” muxbiri Azizjon Ermatov xabar bermoqda.
Qayd etilishicha, viloyat hokimi Xayrullo Bozorov Qo‘qon shahrining Bog‘iston ko‘chasida barpo etilayotgan Hunarmandchilik va turizm markazida bo‘lib, qurilish ishlari bilan tanishgan.
Markaz to‘g‘ridan to‘g‘ri xorijiy investitsiya mablag‘lari hisobiga bunyod etilmoqda. Markazdan hunarmandlar uchun savdo rastalari, mehmonxona, tantanalar saroyi, amfiteatr, yirik savdo majmuasi, ko‘ngilochar maskanlar, bolalar o‘yin maydonchalari o‘rin olgan.
Shuningdek, markaz hududida sig‘imi besh ming kishilik masjid ham barpo etilmoqda.
Ma’lumot uchun, 2023-yilda Qo‘qon shahrida II Xalqaro hunarmandchilik festivali bo‘lib o‘tadi. 2019-yilda MDH davlatlari ichida birinchi bo‘lib Qo‘qonga jahon hunarmandlar shahri maqomi berilgan.
Izoh (0)