“Tashabbusli budjet” loyihasining ikkinchi mavsumida respublikadagi 9201 ta mahalla fuqarolari takliflar bildirdi. Bu haqda Moliya vaziri Timur Ishmetov Twitter’dagi sahifasida ma’lumot berdi.
Timur Ishmetovning yozishicha, jarayonda taklif qilingan loyihalarga 7 milliondan ko‘p ovoz berilgan.
“Tashabbusli budjet”ning 2-mavsumida 9201 ta mahalla (jamiga nisbatan 98 foiz) fuqarolaridan 61 mingdan ortiq loyihalar taklif qilindi. Jarayonda 7 milliondan ortiq ovozlar berildi. Shundan 4,3 million ovoz to‘plagan 1418 loyiha g‘olib bo‘ldi”, – deb yozgan vazir.
Timur Ishmetovning qo‘shimcha qilishicha, “Tashabbusli budjet”ni takomillashtirib boriladi.
“Uch mavsum davomida bildirilgan 100 mingdan ortiq takliflar aholining eng dolzarb muammolarini o‘rganishga yordam beradigan “ochiq ma’lumotlar bazasi”ni shakllantirmoqda. Davlat rahbarining “aholi bilan bamaslahat qilinadigan loyihalar ko‘lamini kengaytirish” bilan bog‘liq topshiriqlariga asosan “Tashabbusli budjet” takomillashtirib boriladi”– deya qayd etgan vazirlik rasmiysi.
Izoh (1)
Нима кераги бор овозни халкни кийнаб йордам беридигон йордамни бероринглар канча пул кетгизяпти овоз топлаш учун билайн бошка кампанияларни бой килишяпти халоз одамлар