AQSHning Las-Vegas shahridagi T-Mobile arenada O‘zbekiston vaqti bilan 18-sentabr tongida boks oqshomi bo‘lib o‘tdi.
Kechaning markaziy jangi super o‘rta vazn toifasida mutlaq jahon chempioni Saul Alvares va Gennadiy Golovkin o‘rtasida kechdi.
Bellashuvning dastlabki uch raundni o‘rtacha tempda o‘tdi va biroz ustunlik “Kanelo” tomonida bo‘ldi. To‘rtinchi raundga kelib meksikalik bokschi faollikni oshirib, keyingi uch raundda to‘liq ustunlik qildi.
8-raundda Golovkin ham sezilarli zarbalarni yo‘llashni boshladi. 9-raundning ikkinchi yarmi ham qozog‘istonlik bokschi hisobiga yozildi.
So‘nggi raundlar o‘rtacha tempda o‘tdi. Hakamlar bir ovozdan Alvaresning g‘alabasini qayd etdi.
Shu tariqa Saul WBC, WBO, WBA va IBF kamarlarini muvaffaqiyatli himoya qildi.
“Kanelo” va “GGG” o‘rtasidagi dastlabki jang 2017-yil 16-sentabrida tashkil etilgan, unda durang qayd etilgan. 2018-yil 15-sentabrda bo‘lib o‘tgan ikkinchi jang esa meksikalikning g‘alabasi bilan yakunlangandi.
Izoh (0)