Fransiya ukrainalik harbiylarni o‘qitish uchun “ixtisoslashtirilgan mashg‘ulotlar” o‘tkazmoqda, ammo bu haqda e’lon qilgani yo‘q, deb yozadi “RBK”. Buni Fransiya mudofaa vaziri maslahatchisi Sebastyen Lekornyu Politico nashriga ma’lum qilgan.
Uning aniqlik kiritishicha, prezident Emmanuel Makronning “muvozanatlashtiruvchi mamlakat” bo‘lib qolish istagi tufayli, Fransiya ukrainalik askarlarni ommaviy tayyorgarlikdan o‘tkazish mexanizmini ishga tushirmaslikka qaror qilgan.
“Emmanuel Makron yetarlicha aniq-ravshan bildirdi — Ukraina g‘olib bo‘ladi va g‘olib bo‘lishi shart, biroq Rossiyani yerga urish kerak emas… Bizning yo‘nalishimiz shundan iboratki, Ukrainaga yordam berish uchun u bilan hamjihatligimizni ko‘rsatishimiz kerak, agar unday bo‘lmasa, ziddiyat to‘xtaganidan keyin o‘z rolimizni o‘ynash imkoniyatiga ega bo‘lishimiz kerak”, — dedi u.
Shu sababli, rasmiy ma’lumotlarga ko‘ra, Ukrainadagi harbiy harakatlar boshidan buyon Fransiya 40 ga yaqin askarni Fransiyaning “Sezar” o‘ziyurar uskunalari bilan ishlashga o‘rgatgan. Ammo qolgan o‘quv dasturlari bo‘yicha ma’lumotlar to‘liq maxfiylashtirilgan.
Buyuk Britaniya tayanch tayyorgarlik bo‘yicha olg‘a ketishga qaror qildi. Biz esa yanada ixtisoslashtirilgan tayyorlash jarayonini olib bormoqdamiz”, — dedi vazir maslahatchisi boshqa tafsilotlarni oshkor qilmasdan.
Ukraina harbiylarini mamlakat tashqarisida o‘qitish bo‘yicha rasmiy taklifni birinchi bo‘lib Buyuk Britaniya sobiq bosh vaziri Boris Jonson iyun o‘rtalarida bergan edi.
Britaniya hukumati Interflex dasturini ishga tushirdi va har to‘rt oyda 10 ming nafargacha ukrainalik harbiylarni qruqlikdagi qo‘shinlar taktikasi, qurol bilan ishlash, birinchi yordam, mashq lagerlari tarmog‘i orqali evakuatsiyaga o‘qitish maqsadini o‘z oldiga qo‘ydi. Rejaga ko‘ra, bu Kiyevga qarshi hujumni kuchaytirishda yordam berishi kerak.
Shvetsiya, Finlyandiya, Daniya, Litva, Kanada, Niderlandiya va Yangi Zelandiya ukrainalik askarlar uchun o‘z instruktorlarini yuborishga ulgurdi.
Izoh (0)