“Kalmar o‘yini” serialining muallifi Xvan Don-Xyok shouning yaqinlashib kelayotgan mavsumi haqidagi savollarga javob berdi. Uning so‘zlariga ko‘ra, keyingi mavsumlarda Gollivudning taniqli aktyorlaridan biri Leonardo Di Kaprio serialda rol o‘ynashi mumkin, deb yozadi “Film.ru”.
“Ikkinchi mavsumda taniqli Gollivud aktyorlari bo‘lmaydi, uchinchi mavsumda buning ehtimoli bor — ammo navbatdagi mavsum ham Koreyada suratga olinadi. Leonardo Di Kaprio ‘Kalmar o‘yini’ning ashaddiy muxlisi ekanini aytdi, shuning uchun imkoniyat tug‘ilsa, biz undan serialda rol ijro etishini so‘raymiz”, — deydi Xvan.
Shuningdek, serial rejissori ikkinchi faslni suratga olish ishlari 2023-yili boshlanishini va yangi epizodlar Netflix’da 2024-yilgacha chiqmasligini ta’kidladi. Bunga parallel ravishda strim xizmati serial asosida xalqaro realiti-shouni ishlab chiqmoqda.
Izoh (0)