“Samarqand sammitining muvaffaqiyatli o‘tishi SHHTning ta’siri va jozibadorligini kuchaytiradi” — bosh kotib

O‘zbekiston tashqi ishlar vaziri Vladimir Norov va Shanxay hamkorlik tashkiloti bosh kotibi Chjan Min ishtirokida SHHT sammiti yakunlari bo‘yicha brifing o‘tkazildi.

Chjan Min O‘zbekistonga SHHT raisligida 80 dan ortiq tadbirni tashkil etish borasidagi ishlar uchun minnatdorlik bildirdi. “Samarqand sammitining muvaffaqiyatli o‘tishi SHHTning ta’siri va jozibadorligini kuchaytiradi”, — dedi u.

BMT bosh kotibining siyosiy masalalar va tinchlik o‘rnatish bo‘yicha o‘rinbosari Rozmari DiKarlo Shavkat Mirziyoyevni sammit muvaffaqiyatli o‘tgani bilan tabrikladi. U hamjihatlik va hamkorlik ruhi BMT va SHHT uchun yo‘l-yo‘riq bo‘lishiga ishonch bildirdi.

“Shanxay hamkorlik tashkilotiga raislik estafetasini ilk bor o‘z zimmasiga olgan Hindiston bu vazifani munosib tarzda bajarishiga ishonamiz”, — dedi Chjan Min. O‘zbekiston esa 2023-yilda SHHTni tashkil etishda Hindistonga har tomonlama yordam berishi qayd etildi.

Mavzuga doir: Vladimir Norov: “Muzokaralar yakunlari bo‘yicha rekord miqdordagi — 40 dan ortiq hujjat qabul qilindi”