Izyumdagi vayronagarchilik, Balakleyada rus texnikalari qabristoni. Urushning 204-kunidan fotoreportaj
Ukraina Qurolli kuchlari tomonidan ozod etilgan Izyum shahrida 15-sentabr kuni tinch aholi va ukrainalik harbiy xizmatchilarning ommaviy qabri topildi. Ukraina politsiyasi unda 440 nafarga yaqin odamning jasadi bo‘lishi mumkinligini ma’lum qildi. Donetsk viloyatida Rossiya hujumi sabab, mahalliy hokimiyat ma’lumotlariga ko‘ra, bir kun ichida besh nafar tinch aholi halok bo‘lgan. Rossiyaning Belgorod viloyati gubernatori Vyacheslav Gladkov Valuyki shahri Ukraina harbiylari tomonidan o‘qqa tutilgani, oqibatda bir kishi halok bo‘lganini ma’lum qildi. Meduza urushning 204-kunidan asosiy fotosuratlarni jamladi.
Ukraina armiyasi tomonidan ozod etilgan Izyum manzaralari
Ukraina armiyasining qarshi hujumi paytida ozod qilingan Izyumdagi vayronagarchiliklar. Shahar aprel oyi boshida rus qo‘shinlari tomonidan bosib olingan. Ukraina qurolli kuchlari sentabr oyi boshida shahar ustidan nazoratni tikladi.Foto: AP Photo
Ukraina Qurolli kuchlari harbiy xizmatchilari tankda Izyum bo‘ylab harakatlanmoqda.Foto: AP Photo
Izyumlik ota-ona yetti oy deganda qizi bilan ko‘rishmoqda.Foto: AP Photo
Izyum shahrida yashovchi 72 yoshli qariya vaqtinchalik boshpanasiga o‘tin tashimoqda. Izyumliklar o‘tin yordamida uylarini istib, ovqat pishiradi.Foto: AP Photo
Shahardagi turar joyning otishmalardan keyingi ahvoli.Foto: AP Photo
Shahar rus bosqinidan ozod qilinganidan so‘ng, unda tinch aholi va ukrainalik askarlarning ommaviy qabri topildi. Xarkov viloyati politsiyasi tergov bo‘limi boshlig‘i Sergey Bolvinov Britaniyaning Sky News telekanaliga ma’lum qilishicha, bu yerda 440 ga yaqin odam ko‘milgan. “Rossiya hamma joyda o‘lim izini qoldirmoqda. Buning uchun u javobgarlikka tortilishi kerak. Dunyo bu urush uchun Rossiyani chinakam javobgarlikka tortishi kerak”, — dedi Vladimir Zelenskiy kechki nutqida.Foto: AP Photo
Balakleyadagi Rossiya bazasiga HIMARS tizimidan berilgan zarba oqibatlari
Xarkov viloyatining Balakleya shahrida Rossiya kuchlari harbiy texnika garaji sifatida foydalangan ombor Ukraina armiyasi zarbasidan keyin shunday ko‘rinishda. Taxminlarga ko‘ra, zarba Ukrainaga AQSH va Buyuk Britaniya tomonidan yetkazib beriladigan HIMARS baravar o‘t ochuvchi reaktiv tizimi yordamida yo‘llangan. Rossiya tomonidan qo‘llaniladigan sovet tizimlari (“Grad”, “Uragan” va “Smerch”) bilan solishtirganda HIMARS yuqori aniqlik, tezroq qayta zaryadlanish va kuchliroq zirhga ega.Foto: Anadolu
Balakleyada Ukraina Qurolli kuchlari tomonidan vayron qilingan rus texnikalari ombori.Foto: Anadolu
Balakleyadagi HIMARS zarbasi oqibatida yonib ketgan rus texnikasi.Foto: Anadolu
Xarkov viloyatining g‘arbiy qismida kechgan jang izlari
Balakleyada rus askarlarining jasadlari. 8-sentabr kuni Ukraina Qurolli kuchlari mart oyi boshidan beri ishg‘ol ostida bo‘lgan mazkur shaharga kirdi. Rossiya Mudofaa vazirligi mart oyining oxiridan beri Rossiya armiyasining yo‘qotishlari haqida xabar bermagan.Foto: Anadolu
Xarkov viloyatida vayron qilingan rus kolonnasi. Ukrainaning Xarkov janubi va sharqidagi qarshi hujumi urush boshlanganidan beri rus armiyasining eng yirik mag‘lubiyatiga olib keldi. Rossiya ilgari bosib olingan o‘nlab qishloq va shaharlarni boy berdi, o‘nlab butun va shikastlangan texnikalarni, tonnalab o‘q-dorilarni tashlab ketdi.Foto: EPA
Balakleya yaqinidagi Novaya Gusarovka qishlog‘ida yakson qilingan rus bronetransportyori yonida sochilgan patronlar. Sentabr oyining o‘rtalarida qishloq Ukraina Qurolli Kuchlari tomonidan ozod qilindi.Foto: Reuters
Ukraina harbiy xizmatchilari Xarkov viloyatida yonib ketgan rus “BMP-2” tanki yaqinida.Foto: EPA
Kiyevdagi bombapanohda maktab
Kiyevdagi bombapanohda maktab o‘quvchilariga dars o‘tilmoqda. Yangi o‘quv yilida rus va belarus mualliflarining asarlari Ukraina maktablarining xorijiy adabiyotlar bo‘yicha o‘quv dasturidan olib tashlandi, deb xabar qildi Ukraina Ta’lim va fan vazirligi. O‘zgarishlar maktabning tarix kursiga ham ta’sir qildi — bu “Rossiyaning Ukrainaga qarshi keng ko‘lamli qurolli tajovuzkorligi munosabati bilan yuzaga kelgan muammolarga javob” sifatida amalga oshirilgan.Foto: Anadolu
Ukraina sharqidagi tan olinmagan respublikalarga hujumlar
O‘zini-o‘zi respublik deb e’lon qilgan Lugansk xalq respublikasi hududidagi kollejning otishmalardan keyingi ko‘rinishi. LXR ta’lim va fan vaziri Ivan Kusovning aytishicha, kollej 14-sentabr kuni ertalab Ukraina qo‘shinlari tomonidan o‘qqa tutilgan, uni qayta tiklash imkonsiz. Foto: “TASS”
Golmovskiy qishlog‘ida (o‘zini-o‘zi respublik deb e’lon qilgan Donetsk xalq respublikasi nazoratida) halok bo‘lgan tinch aholining jasadlari. Rossiyaning Birinchi kanali Ukraina kuchlari hujumi oqibatida turar joy binosi o‘qqa tutilgani, to‘rt nafar aholi halok bo‘lgani haqida xabar berdi.Foto: “TASS”
O‘t o‘chiruvchilar Krasniy Paxar qishlog‘idagi (DXR nazorati ostida) yong‘inni o‘chirmoqda. Donetsk meri Oleksiy Kulemzin Ukrainaning hujumi oqibatida bir erkak va bir ayol yaralanganini ma’lum qildi.Foto: “TASS”
Krivoy Rogdagi dambaning portlatilishi oqibatida yuzaga kelgan suv toshqini
Krivoy Rogda yashovchi ayol suv bosgan ko‘cha bo‘ylab yuribdi. 14-sentabr kuni Rossiya qo‘shinlari shaharning gidrotexnik infratuzilmasiga zarba berdi. Oqibatda Ingulets daryosida suv sathi ikki-uch metrga ko‘tarilgan. Yuzdan ortiq xususiy uy va yozgi uylar suv ostida qolgan.Foto: Reuters
Izoh (0)