15-sentabr kuni Shavkat Mirziyoyevning taklifiga binoan Belarus Respublikasi prezidenti Aleksandr Lukashenko amaliy tashrif bilan O‘zbekistonga keldi. Bu haqda Prezident matbuot xizmati xabar qildi.
Qayd etilishicha, Samarqand xalqaro aeroportida oliy martabali mehmonni bosh vazir Abdulla Aripov va boshqa rasmiy shaxslar kutib olgan.
Aleksandr Lukashenko Hazrati Xizr majmuasiga tashrif buyurib, O‘zbekistonning birinchi prezidenti Islom Karimov qabriga gul qo‘ygan.
Tashrif dasturida O‘zbekiston prezidenti bilan uchrashish va SHHTning Samarqand sammiti tadbirlarida ishtirok etish ham ko‘zda tutilgan.
Izoh (0)