O‘zbekiston 30 ta davlatdan 22 ming tonna sut mahsulotlari import qildi

2022-yilning yanvar—iyul oylarida O‘zbekiston 30 ta xorijiy davlatlardan 22,3 ming tonna sut mahsulotlarini import qilgan. Bu haqda Davlat statistika qo‘mitasi xabar qildi.

Qayd etilishicha, sut mahsulotlari importi hajmi o‘tgan yilning mos davri bilan solishtirilganda 5,4 ming tonnaga oshgan. 7 oyida O‘zbekiston eng ko‘p sut mahsulotlarini import qilgan davlatlar:

• Rossiya – 8,4 ming tonna;
• Belarus – 3,8 ming tonna;
• Eron – 3,8 ming tonna;
• Qozog‘iston – 3 ming tonna;
• Litva – 627 tonna;
• Fransiya – 591 tonna;
• Turkiya – 437 tonna;
• Finlyandiya – 247 tonna.