Avstraliya g‘arbida 77 yoshli qariya yovvoyi kenguru qurboniga aylandi, deb yozadi USA Today.
Hodisa Pert shahridan 399 km janubi-sharqda joylashgan Redmond aholi punktida yuz berdi. Jabrlanuvchini uning qarindoshlaridan biri topib olgan.
Tergovchilar talqiniga ko‘ra, kenguruni qurbonning o‘zi uy hayvoni sifatida saqlab kelgan, ammo bir kun kelib, unga hujum qilgan. Qarindoshi tez yordam chaqirgan.
Ammo qotil kenguru politsiyachilarni ham, tibbiyot xodimlarini ham jabrlanuvchiga yaqinlashtirmagan, shundan keyin politsiya jonivorni otib tashlagan.
Kenguru to‘sqinlik qilishi oqibatida tibbiy yordam vaqtida ko‘rsatilmagani ham qariyaning vafoti sabablaridan biri bo‘ldi. Ammo rasmiy sabablar e’lon qilinganicha yo‘q.
Avstraliyada kenguru odamni o‘ldirishi bilan bog‘liq holat so‘nggi marta 1936-yilda qayd etilgan. O‘shanda Avstraliyaning Yangi Janubiy Uels shtatida 38 yoshli erkak kenguru hujumiga uchragach, oradan bir necha oy o‘tib, kasalxonada vafot etgan edi.
Mavzuga doir:
- To‘rt oyoqda harakatlanayotgan kenguru videosi internet foydalanuvchilarining qo‘rquviga sabab bo‘ldi
- Riga hayvonot bog‘iga tashrif buyuruvchilar orqasi bilan issiq polda yotgan kenguruning sog‘lig‘idan xavotirlanib, politsiya chaqirdi
- Kenguru insonlarga o‘ziga yordam kerakligini tushuntira oladi. Siz buni uning ko‘zlaridan anglaysiz (video)
Izoh (0)